पञ्चकन्यामा कांग्रेसको पालिका अधिवेशन, मतगणना जारीनुवाकोटको पञ्चकन्या गाउँपालिकामा नेपाली कांग्रेसको १५औँ महाधिवेशनअन्तर्गत पालिका तहको अधिवेशन जारी छ। अधिवेशनअन्तर्गत नेतृत्व चयनका लागि भएको मतदानपछि अहिले मतगणना कार्य भइरहेको छ।मतगणनास्थलमा निर्वाचन समितिले मतगणना प्रक्रिया अघि बढाइरहेको छ। उम्मेदवार, प्रतिनिधि तथा कांग्रेस कार्यकर्ताहरू मतपरिणामको प्रतीक्षामा रहेका छन्। पालिका सभापतिसहित विभिन्न पदका उम्मेदवारको अन्तिम परिणामप्रति स्थानीय कांग्रेस वृत्तमा विशेष चासो देखिएको छ।मतगणना सम्पन्न भएपछि निर्वाचन समितिले आधिकारिक रूपमा परिणाम सार्वजनिक गर्नेछ। पञ्चकन्यामा कांग्रेसको नयाँ नेतृत्व चयनसँगै आगामी कार्यकालमा पार्टीको संगठन विस्तार, स्थानीय तहमा पार्टीको भूमिका तथा आगामी राजनीतिक गतिविधि कसरी अघि बढ्छ भन्ने विषयलाई समेत महत्वका साथ हेरिएको छ।मतगणनाको आधिकारिक परिणाम सार्वजनिक भएपछि नुवाकोट मिडियाले थप विवरणसहित अपडेट गर्नेछ।
Leave a Reply