उत्कृष्ट कार्यसम्पादन गर्ने कर्मचारी तथा महिला स्वयंसेविका सम्मानितनुवाकोट । शिवपुरी गाउँपालिका–६ नं. वडा कार्यालयले वडाभित्र कार्यरत कर्मचारी तथा महिला स्वास्थ्य स्वयंसेविकाहरूलाई सम्मान गरेको छ।आफ्नो जिम्मेवारी कुशलतापूर्वक निर्वाह गर्दै सेवा प्रवाहमा योगदान पुर्याएका कर्मचारी तथा महिला स्वयंसेविकाहरूको उत्कृष्ट कार्यसम्पादनको मूल्याङ्कन गर्दै वडा कार्यालयले सम्मान गरेको हो।स्थानीय तहमा प्रभावकारी सेवा प्रवाह, जनताप्रतिको जिम्मेवारी र समुदायको स्वास्थ्य तथा हितका लागि महिला स्वास्थ्य स्वयंसेविकाहरूले पुर्याउँदै आएको योगदानको कदर गर्दै सम्मान गरिएको जनाइएको छ।समाजको सेवामा निरन्तर खटिने कर्मचारी तथा महिला स्वास्थ्य स्वयंसेविकाहरूको मेहनत, समर्पण र सेवाभावको सम्मानले उनीहरूमा थप ऊर्जा, उत्साह र जिम्मेवारीबोध बढाउने विश्वास गरिएको छ।जनताको सेवामा समर्पित व्यक्तिहरूको योगदानको पहिचान र सम्मानले सकारात्मक कार्यसंस्कृतिको विकास गर्न तथा सार्वजनिक सेवाप्रति थप जिम्मेवार बन्न प्रेरणा दिने अपेक्षा गरिएको छ।नुवाकोट मिडिया परिवार उत्कृष्ट कार्यसम्पादन गर्ने सम्पूर्ण कर्मचारी तथा महिला स्वास्थ्य स्वयंसेविकाहरूलाई हार्दिक बधाई तथा आगामी दिनमा अझ प्रभावकारी सेवाका लागि शुभकामना व्यक्त गर्दछ।
Leave a Reply