शिवपुरी राष्ट्रिय निकुञ्ज नजिक झाडीमा शव फेला, मृतकको पहिचान खुल्योनुवाकोट । शिवपुरी राष्ट्रिय निकुञ्ज नजिकै रहेको पुरानो चेकपोस्ट क्षेत्रको सडक तलपट्टि झाडीमा एक पुरुषको शव फेला परेको छ। प्रारम्भिक विवरणअनुसार मृतक रसुवा जिल्ला कालिका गाउँपालिका–२ का जीवन विश्वकर्मा रहेको खुलेको छ।स्थानीयका अनुसार उक्त क्षेत्रमा सडकमा बा २२० नम्बरको मोटरसाइकल पार्किङ गरिएको अवस्थामा भेटिएको थियो। मोटरसाइकल सडकमा छाडिएको देखिएपछि आसपासमा खोजी गर्दा सडकको तल्लोपट्टि झाडीमा पुरुषको शव फेला परेको बताइएको छ।शव भेटिएपछि घटनाबारे सम्बन्धित प्रहरीलाई खबर गरिएको थियो। प्रहरी टोली घटनास्थलमा पुगेर आवश्यक मुचुल्का तथा अनुसन्धानको प्रक्रिया अघि बढाएको छ। मृतक त्यहाँ कसरी पुगे र मृत्युको कारण के हो भन्ने विषयमा भने अनुसन्धानपछि मात्रै थप विवरण खुल्ने प्रहरीले जनाएको छ।घटनाले उक्त क्षेत्रमा स्थानीयवासी तथा यात्रुहरूमा चिन्ता बढाएको छ। शवको अवस्था, घटनास्थलको प्रकृति तथा मोटरसाइकल भेटिएको स्थानलगायतका विषयलाई आधार बनाएर प्रहरीले घटनाको अनुसन्धान गरिरहेको छ।मृतक जीवन विश्वकर्माको निधनप्रति नुवाकोट मिडिया परिवार हार्दिक श्रद्धाञ्जली व्यक्त गर्दछ। शोकसन्तप्त परिवारजन तथा आफन्तमा गहिरो समवेदना प्रकट गर्दछ।घटनाको विस्तृत कारण र थप विवरण प्रहरीको अनुसन्धान तथा आधिकारिक जानकारीपछि खुल्नेछ।
Leave a Reply